Siyasət

Xələf Xələfov Aybek Moldoqaziyev ilə onlayn müzakirə aparıb

12 Aprel 2022 17:52

Baxış: 609

12 aprel 2022-ci il tarixində Azərbaycan Respublikası və Qırğız Respublikası Xarici İşlər Nazirlikləri (XİN) arasında videokonfrans formatında siyasi məsləhətləşmələr keçirilib.

XİN-dən verilən məlumata görə, məsləhətləşmələrdə Azərbaycan tərəfindən nümayəndə heyətinə nazir müavini Xələf Xələfov, Qırğızıstan tərəfindən isə nümayəndə heyətinə nazir müavini Aybek Moldoqaziyev rəhbərlik edib.

Görüş zamanı tərəflər ikitərəfli münasibətlərin gündəliyində duran aktual mövzuları, o cümlədən siyasi, iqtisadi, humanitar sahələrdə əməkdaşlığın genişləndirilməsi məsələlərini müzakirə ediblər.

Bundan əlavə, tərəflər regional və beynəlxalq təşkilatlar çərçivəsində əməkdaşlığın inkişafına dair fikir mübadiləsi aparıblar.

İkitərəfli əməkdaşlığın inkişaf etdirilməsi baxımından qarşılıqlı səfərlərin və görüşlərin əhəmiyyəti vurğulanıb.

Milli.Az