Sağlamlıq

40 qramdan artıq spirt qəbulu qaraciyərin "evini yıxır"

21 Sentyabr 2025 03:03
Baxış: 1 803
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Qaraciyərin piylənməsi (yağlı hepatoz) getdikcə daha çox yayılaraq sağlamlıq üçün ciddi təhlükə yaradır. Bu xəstəlik yalnız artıq çəkisi olanlarda deyil, normal çəkili insanlarda da müşahidə oluna bilər.

Milli.Az xəbər verir ki, rusiyalı qastroenteroloq-dietoloq Nataliya Panina "qazeta"ya açıqlamasında qaraciyərin piylənməsinə yol aça bilən əsas amillərdən danışıb.

Mütəxəssisin sözlərinə görə, qaraciyərin piylənməsi diaqnozu orqan hüceyrələrinin 5 faizindən çoxunda yağ toplananda qoyulur. Xəstəliyin ən böyük təhlükəsi ürək-damar xəstəliklərinin riskini artırması və sirroza gətirib çıxarmasıdır.

"Əsas risk faktorlarından biri müntəzəm alkoqol qəbuludur. Onun sözlərinə görə, söhbət məhz alkoqoldan sui-istifadədən getmir. Kişilərdə 40 qram, qadınlarda isə 20 qramdan artıq etanol qəbul etmək belə qaraciyərin piylənməsi ehtimalını artırır.

Bundan başqa, fastfud və yarımfabrikatlarda olan trans və doymuş yağlar da qaraciyərə zərbə vurur. Bu məhsullar "pis" xolesterinin yüksəlməsinə və qaraciyərin, həmçinin ürək-damar sisteminin yüklənməsinə səbəb olur. Həkim yağların gündəlik rasionun 30-35 faizindən çox olmamasını, onların da yarısının bitki yağları hesabına təmin edilməsini tövsiyə edib.

Mütəxəssis əlavə edib ki, fruktozanın və sadə karbohidratların həddindən artıq istifadəsi, xüsusilə də şirin qazlı içkilər vasitəsilə, qaraciyərin piylənməsini sürətləndirə bilər. Paninanın sözlərinə görə, rasiona tam taxıllar, işlənməmiş dənli bitkilər, kifayət qədər tərəvəz və salat daxil edilməlidir. Lif maddələri yağ və karbohidrat mübadiləsini tənzimləyir, bağırsaq mikroflorasını dəstəkləyir və nəticədə qaraciyərin sağlamlığını qoruyur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.