İdman

Mahir son paylaşımı ilə nəyə eyham vurdu?

22 Sentyabr 2025 00:30
Baxış: 1 617
VTB-də minimal faiz dərəcəsi ilə nağd kredit 9.9%-dən
#FUTBOL

Azərbaycan millisinin futbolçusu, Almaniyanın "Kayzerslautern" klubunun hücumçusu Mahir Emreli instaqramdakı son paylaşımı ilə diqqət çəkib.

Milli.Az qafqazinfo-ya istinadən xəbər verir ki, "Münster"ə qarşı heyətə salınmamasından sonra Emreli yeni bir paylaşım edib.

Videoda məşhur keçmiş hücumçu Zlatan İbrahimoviçin sözləri yer alıb:

"Bəzi insanlar sənin haqqında pis danışacaq, bəziləri yaxşı. Amma əgər pis danışırlarsa, deməli, sən yaxşı iş görürsən. Mənə inan".

Daha sonra isə həmin "story" silinib.

"Kayzerslautern"nin baş məşqçisi Torsten Libernext "Münster" oyunundan əvvəl keçirilən mətbuat konfransında Emrelinin komandaya qayıdıb-qayıtmayacağını açıqlamamışdı. Oyundan sonra isə Libernext niyə "Nürnberq"dən transfer olunan futbolçunu yenidən heyətə salmadığını açıqlayıb. O, Emrelinin son məşqdəki inamsız təsir bağışlamasını nəzərdə tutaraq əlavə edib: "Məndə elə bir hiss yaranmadı ki, mütləq oyuna girmək istəyir. Komanda indi bu dinamikanı götürüb. Sən də bir az kənarda qalmalı və geri dönmək üçün çalışmalısan".

Libernextin sözlərinə görə, Emrelinin yenidən komandada yer qazanmaq şansı hələ də var - amma bunu yalnız daha səmərəli məşq göstəriciləri ilə edə bilər. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.