Siyasət

Ombudsman Ermənistanın törətdiyi təxribatla bağlı beynəlxalq təşkilatlara çağırış edib

12 Yanvar 2022 07:40
1 Şərh     Baxış: 487

Azərbaycan Respublikasının İnsan Hüquqları üzrə müvəkkili (ombudsman) Səbinə Əliyeva Ermənistanın Kəlbəcər rayonu istiqamətində törətdiyi təxribatla bağlı beynəlxalq təşkilatlara çağırış edib.

Milli.Az bildirir ki, müraciətdə deyilir:

"Təəssüflə bildiririk ki, Ermənistan silahlı qüvvələri yanvarın 11-i günorta saatlarında Azərbaycan-Ermənistan dövlət sərhədinin Kəlbəcər rayonu istiqamətində növbəti dəfə təxribat törədib. Qarşı tərəfin snayper silahından açdığı atəş nəticəsində Azərbaycan Ordusunun hərbi qulluqçusu əsgər Nəzərov Ayaz Azər oğlu şəhid olub.

Tərəflər arasında atəşin və bütün hərbi əməliyyatların tam dayandırılması haqqında 2020-ci il 10 noyabr və 2021-ci il 26 noyabr tarixli üçtərəfli bəyanatların müddəlarına zidd olan, fundamental insan hüquqlarının pozulmasına yönəlmiş bu kimi təxribatçı əməllərin törədilməsini kəskin şəkildə pisləyir, Ermənistandan Azərbaycanın beynəlxalq səviyyədə tanınmış ərazi bütövlüyünə hörmət etməyi tələb edirik.

Beynəlxalq və regional təşkilatları, xarici ölkələrin Ombudsman və milli insan hüquqları təsisatlarını Ermənistanın regionda törətdiyi insan hüquqları pozuntularına münasibət bildirməyə, dayanıqlı sülhün və inkişafın təmin edilməsinə təhlükə yaradan bu kimi əməllərindən çəkindirilməsi istiqamətində beynəlxalq hüququn norma və prinsiplərinə uyğun qəti tədbirlər görməyə çağırıram".

Milli.Az

 

Şərh yaz:

1 Şərh:

  • Anonim
    asi · 12 Yanvar 09:2400

    Görəsən bu xanım 10 noyabr bəyanatını tam oxuyub, özü??..Orada Azərbaycan və şərmənistan sərhəddi ilə bağlı heç nə yoxdu..Şərtlər Qarabağı əhatə edir..Bəyanatda Qarabağ «Dağlıq Qarabağ münaqişə zonası» kimi qeyd edilir və o da qeyd edilir ki, hər iki tərəf tutduğu mövqedə qalır, yəni ermənistan da orada qalır...Həm bəyanatın adı “ atəşkəs bəyanatı”-dı, sülh bəyanatı deyil..Atəşkəsin pozulmayacağına zəmanət verən heç bir şərt yoxdu..Həmin atəşkəs bəyantının birincisi ilə biz düz 28 il ərzində 6 min Şəhid vermişik..Kresloda oturub, hazır mətnə imza atmaq asandı...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.