Siyasət

Ulu Öndər Həştərxan vilayətində anıldı - FOTO

11 Dekabr 2021 13:53

Baxış: 734

#SİYASƏT

Bu gün, Ulu Öndər Heydər Əliyevin Anım Günü ərəfəsində Rusiyanın Həştərxan şəhərində Azərbaycan xalqının Ümummilli Liderinin abidəsinin önünə gül-çiçəklər düzülüb.

Milli.Az Həştərxan vilayətinin Beynəlxalq Əlaqələr Agentliyinə istinadən bildirir ki, vilayət qubernatoru İqor Babuşkinin göstərişi ilə mərasimdə vilayət hökumətinin sədr müavini Kazbek Xadikov, sənaye və təbii ehtiyatlar naziri Denis Afanasyv, regional Beynəlxalq Əlaqələr Agentliyinin rəhbəri Vladimir Qolovkov iştirak ediblər.

Həştərxan vilayəti ilə Azərbayxanı ildən-ilə möhkəmlənən və genişlənən çoxillik dostluq əlaqələri birləşdirir. Əməkdaşlıq dövründə Heydər Əliyev Fondu ilə birlikdə vilayətdə bir sıra önəmli sosial layihələr gerçəkləşdirilib.

Azərbaycan Prezidenti İlham Əliyevlə Həştərxan vilayətinin qubernatoru İqor Babuşkin arasında bu ilin dekabrın 7-də Bakıdakı görüşdə də sözügedən mövzulardan bəhs olunub. Tərəflər çoxşaxəli məhsuldar qarşılıqlı fəaliyyəti davam etdirməyə hazır olduqlarını bildiriblər.

Milli.Az