Mobil telefon

Telefon danışıqlarının avtomatik yazılması: Android və iOS

27 Mart 2018 07:51
2 Şərh     Baxış: 18 958
VTB-də minimal faiz dərəcəsi ilə nağd kredit 9.9%-dən
#MOBİL TELEFON

Ağıllı telefonlarda belə bir xüsusiyyət olmasada, telefonunuza yükləyəcəyiniz bəzi tətbiqlər vasitəsilə siz telefon danışıqlarınızı səs yazısı şəklində qeyd edə bilərsiniz.

Milli.Az technote.az-a istinadən bildirir ki, bəzən vacib danışıqlar olur ki, onu qeyd etmək məcburiyyətində qalırıq. Məsələn: kimsə sizə telefonda nömrə deyir və sizin qeyd dəftəriniz yanınızda deyil. Zəngin avtomatik yazılması telefon danışığı bitəndən dərhal sonra həmin danışığa qulaq asmağa imkan verir. Başqa bir misal: hər hansı məkana necə gedəcəyinizi başqa birindən öyrənirsiniz. Yolun uzun və çox döngəli olması bir dəfəyə telefonda bunun yaddınızda qalmamasına səbəb ola bilər. Yaxud siz dəfələrlə qarşı tərəfə zəng edib yolu dəqiqləşdirəcəksiniz. Bütün bunların baş verməməsi üçün zənglərin avtomatik yazılması sizə çox kömək edə bilər.

Android platformasında ən məşhur zəngləri avtomatik qeyd edən tətbiq Automatic Call Recorder tətbiqidir.

Tətbiqin pullu və pulsuz xidmətləri mövcuddur. Tətbiq avtomatik olaraq danışıqları yazır. Həm telefona gələn həm də çıxan zəngləri qeyd edir. Pulsuz xidmətlərdən istifadə etməklə müəyyən müddət ərzində siz 1-dən 300-ə qədər səs qeydi yaza bilərsiniz. Bu inbox tutumudur. 300-dən çox zəng qəbul etdikdə əvvəlki qeydlər silinməyə başlayır. Lakin bu problemi həll etmək üçün sizə lazım olan telefon danışığını tapıb yaddaşda saxlamaq olar. Pullu xidmətdən istifadə etməklə inbox həcmini 500 yaxud 1000 olaraq artıra bilərsiniz.
Sizə lazım olan formatı isə settings menyusundan rahatlıqla seçə bilərsiniz. Sözü gedən tətbiqi Android platforması üçün buradan yükləyə bilərsiniz.
iOS əməliyyat sistemli telefonlarda isə Call Recorder Free tətbiqindən istifadə edə bilərsiniz.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.