Kulinariya

Mətbəx sirləri: Südlü masala

28 Oktyabr 2012 07:00
0 Şərh     Baxış: 1 209
VTB-də minimal faiz dərəcəsi ilə nağd kredit 10.49%-dən
Soyuq payız axşamlarının dadlı və isti çayı masala həm dadı, həm də faydaları ilə məşhurdur. O, qızındırır, enerjini və immuniteti artırır, əhvalı yaxşılaşdırır. Hinduslar qara çayı və ədviyyat qarışığını qaynar südə əlavə edirlər və bu inanılmaz gözəl dad yaradır. "Masala" sözü  - "ədviyyatların qarışığı" deməkdir. Südlü masala çayı çox doyumludur, hətta axşam yeməyini də əvəz edə bilər.

Tərkibi:

1 st. süd
5 yaşıl hil dənəsi
2 qara hil dənəsi
1/4 ç.q. mixək
2 ədəd ağ dənəvər istiot
1 budaq darçın
1 x.q. sürtgəcdən keçirilmiş təzə zəncəfil kökü
bıçağın ucunda muskat cevizi
şəkər tozu və ya bal - zövqə görə
qara çay yarpaqları

Hil dənələrini aralayıb içinin buğdalarını çıxarın.

Mixəklərin başını, dənəvər istiotları və darçın budağını əzin.

Təzə zəncəfil kökünü yuyun, qabığını təmizləyib sürtgəcdən keçirin, yaxud xırda doğrayın.

Südü qızdırın. Qaynara düşəndə ədviyyatları: yaşıl və qara hili, mixəyi, ağ istiotu, darçını, muskat cevizini və sürgəcdən keçirilmiş zəncəfil kökünü əlavə edin. Vam odda 1-2 dəqiqə bişirin.

Qara çayı ayrıca dəmləyin.

Fincanın 1/3-nə qara çay, bunun üzərinə ədviyyatlı südü çaysüzəndən süzün. İstəyə görə şəkər tozu və ya bal əlavə edə bilərsiniz.

Əgər ballı masala içmək niyyətiniz varsa, o zaman çayın azca soyumasını gözləyin, sonra balı əlavə edin ki, onun keyfiyyəti itməsin.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.