Kulinariya

Çölü xırt-xırt, içi tam bişmiş: Pendirli siqaret börəyi resepti

6 Yanvar 2026 23:47

Baxış: 2 983

VTB-də minimal faiz dərəcəsi ilə nağd kredit 10.49%-dən

#KULİNARİYA

Siqaret börəyi hazırlamaq asan görünsə də, onun yağ çəkməməsi və içinin axmaması üçün müəyyən sirləri var.

Milli.Az tam ölçülü və mükəmməl nəticə verən resepti təqdim edir:

Lazım olan məhsullar:
Yuxa (Xəmir): 3 ədəd hazır dairəvi yuxa.

Pendir: 250-300 qram lor pendiri və ya ağ pendir.

Göyərti: Yarım dəstə incə doğranmış cəfəri.

Qızartmaq üçün: Bol miqdarda duru yağ.

Hazırlanma qaydası:
Bir qabda pendiri və incə doğranmış cəfərini qarışdırın. Əgər pendiriniz çox duzsuzdurursa, bir az duz əlavə edə bilərsiniz.

Hər bir dairəvi yuxanı əvvəlcə dörd yerə, sonra hər parçanı təkrar ikiyə bölərək ümumilikdə bir yuxadan 8 bərabər üçbucaq parça əldə edin (cəmi 24 ədəd börək olacaq).

Üçbucaq yuxanın geniş hissəsinə hazırladığınız pendirli içliyi qoyun. Kənarlarını içəri doğru qatlayın və çox sıx olmadan rulon şəklində bükün.

Börəyin uc hissəsinin açılmaması üçün ucu yüngülcə suya batırıb yapışdırın.

Tavada yağı yaxşıca qızdırın. Börəkləri qızğın yağda hər tərəfi qızılı rəng alana qədər qızardın.

Börəkləri mütləq yaxşı qızmış yağa atın. Soyuq yağ börəyin ağır və yağlı olmasına səbəb olar.

Pendir çox sulu olmamalıdır. Həmçinin, bükərkən kənarlarını yaxşı qapatdığınızdan əmin olun.

Qızardıqdan sonra börəkləri kağız dəsmal üzərinə qoyaraq artıq yağını çəkməsini təmin edin.

İsti halda, yanında pomidor, xiyar və tünd dəmlənmiş çay ilə süfrəyə verə bilərsiniz.

Lalə Qüdrətova
Milli.Az