Ermənistan-Azərbaycan münaqişəsi

Keçmiş icra başçısı: “Xocalı soyqırımının qarşısını almaq olardı”

22 Fevral 2010 12:17

Baxış: 623

VTB-də minimal faiz dərəcəsi ilə nağd kredit 9.9%-dən

#AZERBAİJAN

Bunu Milli.Az xəbər portalına açıqlamasında millət vəkili, Xocalı şəhər İcra Hakimiyyətinin keçmiş başçısı Elman Məmmədov deyib. Onun sözlərinə görə, Xocalı əhalisi dörd ay mühasirə vəziyyətində yaşayıb, ətrafla əlaqəsi yalnız vertolyotlar vasitəsilə mümkün olub: "Mən dörd ay ərzində dəfələrlə Bakıya gəldim. O vaxt deputat olmasam da, Ali Sovetin iclaslarında iştirak edirdim. Mənim o vaxtkı çıxışlarımın stenoqramı da var. Yalvarırdım, xahiş edirdim, tələb edirdim ki, fəlakət qarşısındayıq, Xocalı əhalisini hər an qıra bilərlər. Çünki qüvvələr nisbəti həddindən artıq qeyri-bərabər idi. Deyirdim ki, Əsgərandan Xocalıya gedən yolu açmaq, dinc əhalini şəhərdən çıxartmaq, ora əlavə hərbi qüvvələr cəlb etmək lazımdır". Elman Məmmədovun fikrincə, Əsgəran-Xocalı yolu açılmasa belə, mülki əhalini qabaqcadan vertolyotlarla təhlükəsiz yerlərə köçürmək və Xocalıda yalnız hərbçiləri saxlamaq mümkün idi.

Xocalının keçmiş icra başçısı deyir ki, o vaxtkı Azərbaycan hökuməti bu tələblərin heç birini yerinə yetirməməklə Xocalı soyqırımına şərait yaradıb: "Əhalini köçürməyə, Xocalının müdafiəsini təşkil etməyə qeyrət, cəsarət, vətənpərvərlik çatmadı. Heydər Əliyev hakimiyyətə gəlişi ilə sübut elədi ki, rəhbər qətiyyətli, cəsarətli və müdrik olmalıdır. Ölkə rəhbəri ən ucqar kənddə yaşayan vətəndaşın da qayğısına qalmalıdır. Çünki o, prezident seçiləndə əlini Konstitusiyanın, "Qurani-Kərim"in üzərinə qoyur və xalqa söz verir ki, onun təhlükəsizliyinin təminatçısıdır. Amma 1992-ci ildə bunu edən olmadı və düşmən öz məkrli niyyətinə çatdı".

Ceyhun
Milli.Az