Cəmiyyət

İstanbula yeni baş konsul təyin edilən Zamin Əliyev kimdir? - Dosye

27 İyul 2026 14:53

Baxış: 390

VTB-də minimal faiz dərəcəsi ilə nağd kredit 9.9%-dən

Xəbər verdiyimiz kimi, Prezident İlham Əliyevin imzaladığı Sərəncamla Zamin Məmməd oğlu Əliyev Türkiyə Respublikasının İstanbul şəhərində Azərbaycan Respublikasının baş konsulu təyin edilib.

Milli.Az Zamin Əliyevin dosyesini təqdim edir.

Zamin Məmməd oğlu Əliyev 8 oktyabr 1979-cu ildə Ağdam rayonunda anadan olub.

2000-ci ildə Bakı Dövlət Universitetinin Beynəlxalq Hüquq və Beynəlxalq Münasibətlər fakültəsinin bakalavrını, 2002-ci ildə magistraturasını bitirib.

2001-2005 - Azərbaycan Respublikası Xarici İşlər Nazirliyinin Birinci qərb ərazi idarəsinin referenti, attaşesi, 2005-2008-ci illərdə Azərbaycan Respublikasının Macarıstandakı Səfirliyinin attaşesi, üçüncü katibi, 2008-2011-ci illərdə Azərbaycan Respublikası Xarici İşlər Nazirliyinin Beynəlxalq hüquq və müqavilələr idarəsinin üçüncü katibi, ikinci katibi, 2011-2017-ci illərdə Türk Dövlətləri Təşkilatının layihə direktoru, 2017-2020-ci illərdə Azərbaycan Respublikası Xarici İşlər Nazirliyinin Beynəlxalq hüquq və müqavilələr idarəsinin birinci katibi, şöbə müdiri, 2020-2021-ci illərdə Azərbaycan Respublikası Xarici İşlər Nazirliyinin İkinci Avropa idarəsinin rəis müavini, 2021-2024-cü illərdə Azərbaycan Respublikası Xarici İşlər Nazirliyinin Şərqi Avropa, Cənubi Qafqaz, Qərbi və Mərkəzi Asiya idarəsinin rəis müavini, Azərbaycan Respublikasının Prezidenti cənab İlham Əliyevin 18 noyabr 2024-cü il tarixli sərəncamı ilə Azərbaycan Respublikasının Türkiyənin Qars şəhərində baş konsulu təyin olunmuşdur.

Türk, ingilis və rus dillərini bilir. Evlidir, 3 övladı var.

Müəllif: Nərmin Mahmudova (Milli.Az müxbir)