Hadisə

Hövsanda dənizdə 4 nəfər batdı - 3-ü xilas edildi, 1-i öldü

27 İyul 2026 16:15

Baxış: 490

VTB-də minimal faiz dərəcəsi ilə nağd kredit 9.9%-dən

Bakı şəhərinin Suraxanı rayonu, Hövsan qəsəbəsində dənizdə 4 nəfərin batması ilə bağlı Fövqəladə Hallar Nazirliyinə məlumat daxil olub.

FHN-in "112" qaynar telefon xəttinə daxil olan məlumata əsasən, hadisə ən yaxın sularda xilasetmə məntəqəsindən təxminən 1 kilometr aralıda, nəzarətsiz ərazidə baş verib.

Hadisə ilə bağlı dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarış-xilasetmə işlərinə cəlb olunub.

Keçirilən əməliyyat nəticəsində 1985-ci il təvəllüdlü Əliya Aysel Bəkir qızı, 2009-cu il təvəllüdlü Rüstəmova Elmira Rauf qızı və 2019-cu il təvəllüdlü Rüstəmova Nuray Rauf qızı sudan çıxarılaraq xilas edilib.

Axtarışlar zamanı 2013-cü il təvəllüdlü Rüstəmova Aylin Rauf qızının meyiti tapılıb və aidiyyəti üzrə təhvil verilib.

Fövqəladə Hallar Nazirliyi vətəndaşlara müraciət edərək təhlükəsizlik qaydalarına əməl etməyə, xüsusilə nəzarətsiz və qeyri-çimərlik ərazilərdə çimməməyə, həmçinin küləkli hava şəraitində dənizə girməməyə çağırıb.

Müəllif: Malik Məlikov (Milli.Az redaktor)