İran

Oman körfəzində insident: İran ABŞ-a sərt reaksiya verdi

21 Aprel 2026 11:59

Baxış: 961

VTB-də minimal faiz dərəcəsi ilə nağd kredit 9.9%-dən

#GƏMİ

İran Xarici İşlər Nazirliyi ABŞ-ın İran bayrağı altında üzən konteyner gəmisini saxlamasını dəniz quldurluğu adlandırıb.

Milli.Az TASS agentliyinə istinadən xəbər verir ki, bu barədə İran XİN-in yaydığı bəyanatda bildirilib.

Qeyd olunub ki, sərnişinlərin, gəmi heyətinin və onların ailələrinin qorxudulması ilə müşayiət olunan bu addım "dəniz quldurluğu və terror aktı" kimi qiymətləndirilir. Rəsmi Tehran ABŞ-dan İran gəmisinin, onun sərnişin və ekipajının, eləcə də onların ailə üzvlərinin dərhal azad edilməsini tələb edib.

Bəyanatda vurğulanıb ki, İran milli maraqlarını qorumaq üçün bütün imkanlarından istifadə edəcək və regionda vəziyyətin daha da gərginləşməsinə görə tam məsuliyyət ABŞ-ın üzərinə düşür.

Məlumata görə, hadisə 20 aprel tarixində baş verib. ABŞ Silahlı Qüvvələrinin Mərkəzi Komandanlığı Oman körfəzində İran bayrağı altında hərəkət edən konteyner gəmisinin saxlanıldığını açıqlayıb. Bildirilib ki, gəmi İran limanlarından birinə doğru hərəkət edirmiş və ABŞ tərəfindən tətbiq edilən blokada çərçivəsində saxlanılıb.

ABŞ tərəfi qeyd edib ki, gəmi onların tələblərinə tabe olmaqdan imtina etdikdən sonra ABŞ esminesi gəminin mühərrik bölməsinə zərər verib. Bundan sonra ABŞ dəniz piyadaları gəminin göyərtəsinə qalxıblar.

Ayxan
Milli.Az