İran

“6 meyit gördüm, əlləri, başları, ayaqları YOX İDİ”

20 Mart 2026 12:19
Baxış: 1 598
VTB-də minimal faiz dərəcəsi ilə nağd kredit 9.9%-dən
#IRAN #ISRAEL #YAXIN ŞƏRQ

İranın cənubundakı Hörmüzqan əyalətinin Minab şəhərindəki məktəbə edilən hücumdan sağ qalan bir qız yaşadığı dəhşətli anları ictimaiyyətlə bölüşüb.

Milli.Az qafqazinfo-ya istinadən xəbər verir ki, İran Qırmızı Aypara Cəmiyyəti tərəfindən yayımlanan görüntülərdə xəstəxanada müalicə alan azyaşlı qız hücum zamanı baş verənləri təsvir edib:

"Məktəbim tamamilə dağıdılmışdı. Elə bilirdim ki, yuxu görürəm. Hamı "Kömək edin, kömək edin!" deyə qışqırırdı".

O bildirib ki, hadisə zamanı ətrafda çox sayda insan həyatını itirib:

"Hamısı ölmüşdü, yalnız bir nəfər sağ idi".

Qızın sözlərinə görə, əvvəlcə vəziyyətin adi olduğunu düşünməyə çalışsa da, qısa müddət sonra ikinci partlayış baş verib:

"Kimsə mənə dedi: "Qorxma, tənəffüs zəngi çalır". Elə həmin an sanki zəlzələ oldu. İkinci bomba düşdü. Həmin vaxt üstümə daşlar düşdü".

O, dağıntılar arasında ağır mənzərələrlə qarşılaşdığını qeyd edib:

"Altı meyit gördüm. Onların əlləri, başları, ayaqları yox idi".

Qeyd edək ki, hadisə fevralın 28-də ABŞ və İsrailin İrana qarşı başlatdığı hücumlar zamanı baş verib. Minab şəhərində yerləşən Şəcərət əl-Tayyibə Qızlar İbtidai Məktəbinə endirilən zərbə nəticəsində əksəriyyəti uşaqlar olmaqla, 185 nəfər həyatını itirib. İran rəsmiləri hücumu "bağışlanmaz müharibə cinayəti" adlandırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.