İran

İranda kişilər üçün oxuyan qadın müğənni saxlanıldı

4 Mart 2025 20:08

Baxış: 428

#IRAN #MÜĞƏNNİ

İranın paytaxtı Tehranda kişilərin qarşısında çıxış edən qadın müğənni icazəsiz konsert təşkil etməkdə ittiham edilir.

Milli.Az xarici mediaya istinadla bildirir ki, müğənninin vəkili martın 1-də dövlət mediasına deyib ki, müvəkkili və qrupun qalan hissəsi şərti azadlığa buraxılıb.

Yalnız konsertin təşkilatçısı həbsdə qalır.

27 yaşlı Xivə Seyfizadə fevralın 27-də paytaxt Tehrandakı "Emarat Rooberoo" məkanında konserti zamanı saxlanılıb.

Bina Tehranın bədii mərkəzində, kafelər, qalereyalar və teatrlarla dolu bir ərazidə yerləşir.

Solo müğənnilər və DJ-lər tez-tez bu məkanlarda çıxış etsələr də, İran qanunları qadınların kişi tamaşaçılar qarşısında solo çıxışını qadağan edir və onlara yalnız qrup şəklində oxumağa icazə verir. //Lent.az

Milli.Az