İran

İran Zəngəzur dəhlizini niyə istəmir? – Fyodorov

13 Sentyabr 2024 11:56
Baxış: 1 217
VTB-də minimal faiz dərəcəsi ilə nağd kredit 9.9%-dən
#ZƏNGƏZUR DƏHLİZİ

Son vaxtlar Tehran rəsmiləri Zəngəzur dəhlizinə qarşı çox sərt çıxış edirlər. Bu, regionun gələcək inkişafı konsepsiyası və bu perspektivdə İranın yeri ilə bağlıdır, çünki Tehran indiki vəziyyətdə daha çox imkanlara, o cümlədən nəqliyyat kommunikasiyalarına malik olmaq, regiondakı vəziyyətə təsir etmək istəyir.

Milli.Az axar.az-a istinadən bildirir ki, bunu Rusiya xarici işlər nazirinin keçmiş müavini Andrey Fyodorov "Moskva-Bakı" portalına müsahibəsində deyib.

"Hər şey ondan irəli gəlir ki, İran Azərbaycan və Rusiyanın bu dəhlizə nəzarət etmək istəməsindən narazıdır. Tehran Zəngəzur dəhlizi layihəsini həyata keçirməklə regionda öz təsirini müəyyən qədər itirəcəyini düşünür. Bu, təcrid olunmaqda davam edən İran üçün ən böyük suallardan biridir. Zəngəzur dəhlizi layihəsi regionun bütün nəqliyyat kommunikasiyaları sistemini dəyişə biləcək ciddi layihədir. Bu, həqiqətən də ciddi layihədir və hər kəs onun əhəmiyyətini anlayır, ona görə də mübarizə gedir. İranın öz mövqeyi var. Prezident dəyişdi. İran öz tərəfində oynayır, başqasının tərəfində deyil. Və o cümlədən Ermənistan tərəfində deyil. Vəziyyəti qiymətləndirərkən bundan yola çıxmalıyıq", - Fyodorov bildirib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.