Quranla rabitənin 3 növü

Quran oxumaq hamımız üçün zəruri və lazımlıdır. Quranla rabitənin üç növü vardır:

1. Qurani adi oxumaq. İnsan İlahi əmrə itaət etmək üçün Quranı xətm edər və bu cür rabitə bəyənilən rabitədir və insanın ruhuna və ürəyinə təsir qoyar.

2. Quranı tərtillə (aram-aram, aydın və tərtiblə) oxumaq. Quranı bu cür oxumaq birinci növ rabitədən daha mühümdür. Birinci halda insan savab qazanar, lakin ruhuna təsiri az olar. O zaman ki, insan Quranı tərtillə oxuyar, Quranın mənasını başa düşməsə də, ancaq hiss edər ki, ürəyi də dili ilə birlikdədir.

3. Quranı təvazökarcasına oxumaq. Bu növ yuxarıdakı hər iki növ rabitədən daha yaxşı və mühümdür. Bu cür növ rabitədə Quran oxumaq insan ürəyini Allah üçün müti edər. "Məgər iman gətirmiş kəslərin qəlblərinin Allahı yada salmaq və haqqdan nazil olan şey üçün təvazökar, müti olmasının və onların özlərindən qabaq (səmavi) kitab verilmiş, beləliklə (ömür) müddətləri uzadılmış, qəlbləri sərtləşmiş və çoxu itaətsiz olan kəslər kimi olmamalarının vaxtı çatmayıb?!". ("Hədid" 16). Quranı tərtillə oxumaq, təvazökar halın başlanğıcıdır. O zaman ki, insan Quran qarşısında təvazökar olar, ürəyi də onunla bir yerdə Quran oxuyar. Bu Quran onun canına nüfuz edər.

Quran üçün zahiri ədəbə riayət olunmalıdır. İnsan dəstəmazlı və təharətli olmalıdır. Quran oxuyan zaman ayaqlarını uzatmamalıdır. Heç kimlə söhbət etməməli və o tərəf-bu tərəfə baxmamalıdır.

Hədislərin buyurduğuna görə Quran canlıdır və canı vardır. Ancaq biz onu dərk etmirik. Lakin o kəslər ki, qəlb əhlidirlər, Quranla söhbət edərlər və Quran da onlarla söhbət edər. Quranın təyyib həyatı vardır. İnsan Quran qarşısında ədəbli olmalıdır, həm zahirdə və həm də batində. Ürək də ədəbli olmalı və o tərəf-bu tərəfə baxmamalıdır. Diqqəti ancaq Quranda olmalıdır. İnsan Quran oxuyan zaman qəlb hüzuru meydana gələr və bu zaman insan özünü İlahi dərgahda hiss edər və Onunla söhbət edər.

İnsan elə bir yerə gəlib çatar ki, Allah onunla söhbət edər. İmam Sadiq (ə) buyurur: "Əgər qəlb hüzuruna çatmamısınızsa, Allahın cavabını verin və zahirdə deyin: "Ləbbeyk". İnşəallah, bu qəlb hüzuru halı sizin üçün hasil olar. O yerə çatarsan ki, həqiqətən Allahın səsini eşidərsən".

Nəql edilir ki, bir nəfər mədrəsədə tələbə idi və gecələri qaranlıqda Quran oxuyardı. Ondan soruşan zaman ki, bu mərtəbəyə necə çatmısan? Deyərdi: "Allahla rabitədən. Halal yemək yediyimə, şübhədən çəkindiyimə, dilimə nəzarət etdiyimə, qulaq, göz və xüsusilə də bədən üzvlərimi kontrol etdiymə görə".

Mərhum Kərbəlayi Kazım bunun üçün başqa bir nümunədir və o, savadsız bir insan idi. O, halal və harama riayət etdiyi üçün İmam Zaman ağa (ə.f) tərəfindən xüsusi inayətə nail olur və Quran hafizi olur. O, Quran ayələrinin nurunu görər və onu oxuyardı. O, bu fəzlə Quranla ünsiyyətə görə çatmışdı.

Milli.Az