Kiflənir, yapışır, tez xarab olur? - yuxanı belə saxlayın

Hazır yuxa börəkdən, qutaba qədər mətbəximizin ən praktik köməkçilərindən biridir. Amma düzgün saxlanılmadıqda kənarları quruyur, yapışır, nəmlənir və qısa müddətdə kif yarana bilər.

Milli.Az xəbər verir ki, yuxanın təzə qalması tamamilə doğru saxlanma üsulundan asılıdır. Evdə ediləcək sadə addımlarla yuxanı günlərlə, hətta aylarla təravətli saxlamaq mümkündür.

Açıqda qalan yuxa tez bir zamanda nəmlənir və ya quruyub parçalanır. Bu səbəbdən paketi açıq qoymaq ən böyük səhvdir.

Yuxanı evə gətirər-gətirməz streçlə sıx örtün.

Sərin və quru dolabda saxlayın.

Bir gecə belə açıq qalması kif riskini artırır.

Bir neçə gün sonra istifadə edəcəksinizsə

Bu halda ən doğru yer soyuducudur.

Yapışmanın qarşısını almaq üçün:

Yuxaların arasına yağlı kağız qoyun.

Paketi bağlayarkən içində hava qalmadığından əmin olun.

Soyuducuda saxlanan yuxa təxminən 4 gün öz formasını qoruyur.

İstifadədən əvvəl yuxanı otaq temperaturunda bir az saxlayın. Soyuq yuxa tez qırılır.

Uzun müddət saxlamaq istəyənlər üçün ən yaxşı üsul - DONDURUCU

Yuxaları tək-tək ayırın.

Aralarına nazik kağız qoyun.

Dondurucu paketinə yerləşdirib havasını tam çıxarın.

Bu qayda ilə yuxa aylarla xarab olmadan durur.

Buzlamadan çıxararkən diqqətli olun:
Tezcə açmayın. Soyuducunun aşaı gözündə tədricən əriməlidir. Birdən istilənmə yuxada nəmlənmə və yapışma yaradır.

Yuxanı Əlavə Nəmdən Qorumaq Üçün

Yuxa saxlanan paketin içinə bir parça kağız dəsmal qoymaq artıq nəmi çəkir və pis qoxu ilə kifin yaranmasının qarşısını alır.

Mətbəxdə qaz və sobaya yaxın yerlər buxar səbəbilə uyğun deyil.

Yuxanın qatları bir-birinə yapışıbsa:

Üzərinə yüngülcə nəmləndirilmiş dəsmal sərin.

Bir neçə dəqiqə gözləyin - yuxa yumşalacaq və rahat açılacaq.

Bu üsul xüsusilə dondurucudan çıxan yuxalarda çox təsirlidir.

Bişirmə zamanı

Yüksək temperatur yuxanı qurudur. Orta istilik daha balanslı nəticə verir:

Lalə Qüdrətova
Milli.Az