Oskürəkdən əziyyət çəkirsiniz? 10 ən təsirli təbii vasitə!

Öskürək orqanizmin təbii müdafiə reaksiyasıdır.

Öskürək zamanı nəfəs yolları mikroblar və onların toksinlərindən, selikdən, tozdan təmizlənir. Soyuqdəymə zamanı öskürək ilk simptom kimi meydana çıxır və insan sağaldıqdan sonra ən axırıcı yox olur.

Öskürəyi yumşaltmaq və ondan daha tez yaxa qurtarmaq üçün bir çox xalq təbabəti vasitələri mövcuddur. Saglamolun.az oxucularına 10 ən təsirli və sınanmış vasitəni təqdim edir.

1. Süd "Borjom"la. Mineral suyun qazı çıxarılır, ilıq südlə yarıbayarı qarışdırılır və gün ərzində 2-3 dəfə 1 stəkan olmaqla içilir.

2. Kişmiş dəmləməsi. 1 ovuc kişmişin üzərinə 1 stəkan qaynar su əlavə edilir. 1 saatdan sonla ilıq şəkildə içilir.

3. Doşab. 1 xörək qaşığı doşabı (uşaqlar üçün 1 çay qaşığı) 1 stəkan ilıq süddə həll edin və xəstəyə gün ərzində 2-3 dəfə verin.

4. Biyan kökü dəmləməsi. 1 xörək qaşığı biyan kökünü 1 stəkan qaynar suda dəmləyin, 1/2 saatdan sonra süzün və gün ərzində 3 dəfə stəkanın 1/3 hissəsi olmaqla ilıq halda qəbul edin.

5. Əncir qurusu südlə. 2-3 əncir qurusunun üzərinə 1 stəkan qaynar süd əlavə edin və 2-3 dəqiqə ərzində vam odda qapağı kip bağlı qazanda qaynadın. Süd ilıq şəkildə gündə 2-3 dəfə içilir. Meyvələri də yemək olar.

6. Süd + bal. İlıq süddə 1 çay qaşığı bal həll edin və gün ərzində 2-3 dəfə için.

7.  İsti ayaq vannaları nəfəs yollarında spazmın azalmasına kömək edir və öskürəyi müalicə edir. Axşam yatmazdan əvvəl isti ayaq vannasını edin (suya xardal əlavə etmək olar).

8. Qara turp balla. Axşamdan qara turp sürtgəcdən keçirilir, üzərinə 1 xörək qaşığı bal əlavə edilir. Səhər alınmış şirəni süzün və gün ərzində bir neçə dəfə 1 çay qaşığı olmaqla qəbul edin. Bu şirəni ilıq südə əlavə etmək olar.

9. Zəncəfil çayı. Təxminən 4-5 sm uzunluqda olan zəncəfil kökü sürtgəcdən keçirilir və 1 stəkan qaynar suda 30 dəqiqə ərzində dəmlənilir. Daha sonra dəmləmə süzülür, 1 çay qaşığı bal və 1/2 limonun şirəsi əlavə edilir və ilıq halda gündə 2-3 dəfə içilir.

10. Yod "kletka"sı da öskürək zamanı çox yaxşı sınanmış vasitədir. Ağ ciyər nahiyəsində çəkilir.

Milli.Az