Maraqlı

“AniPay” mobil tətbiqində rəqəmsal həllərin sayı artırılıb

8 İyun 2021 21:55
Baxış: 243

Ölkədə ilk dəfə olaraq "Açıq bankçılıq" prinsipləri əsasında AÖS-də müştərilərin və onlara aid bank hesablarının məsafədən qeydiyyatdan keçirilməsi, silinməsi, qalıq üzrə məlumatların əldə edilməsi və əməliyyatların aparılması üzrə funksionallıqlar yaradılıb

Milli.Az ted.az-a istinadən bildirir ki, hazırda "Yapı Kredi Bank Azərbaycan" QSC, "Unibank" KB ASC, "AFB Bank", "Azər-Türk Bank" ASC müştəriləri cari və ödəniş kartı hesabları üzrə, "Premium Bank" ASC, "Günay Bank" ASC, "Muğanbank" ASC, "Naxçıvanbank" ASC, "Bank Avrasiya" ASC, "Bank Respublika" ASC, "Turanbank" ASC və Bank "BTB" ASC müştəriləri isə cari hesablar üzrə sistemin qeyd edilən funksionallıqlarından yararlana bilər. Eyni zamanda, müştərilər AÖS-ün "AniPay" mobil tətbiqindən ( Android: və IOS: ) istifadə etməklə 24/7/365 rejimində ödənişlərini anında həyata keçirə bilərlər.

Qeyd edək ki, hazırda 19 bank, Azərbaycan Respublikası Maliyyə Nazirliyinin Dövlət Xəzinədarlığı Agentliyi və "Azərpoçt" MMC AÖS platformasına inteqrasiya olunmuşdur. Gələcəkdə sistemin əhatə dairəsinin genişləndirilməsi, habelə istifadəçilər üçün təqdim olunan rəqəmsal həllərin çeşidinin artırılması istiqamətində işlər davam etdiriləcəkdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.