Maraqlı

Yeni “Windows” versiyasının təqdimat tarixi məlum olub

8 İyun 2021 21:50
Baxış: 233

"Microsoft" şirkəti "Windows" əməliyyat sisteminin yeni versiyasını iyunun 24-də təqdim edəcək. Bu barədə şirkətin məlumatında deyilir.

Milli.Az ictnews.az-a istinadən bildirir ki, yeni proqram təminatına tərtibatçılar üçün yeni imkanlar və istifadəçilərin daha sadə işləməsi üsulları daxil olacaq.

Məlumata görə, yeni "Windows" versiyasının təqdimatında, həmçinin "Sun Valley" kod adlı istifadəçi interfeysində dəyişikliklər haqqında məlumat veriləcək.

Yeni proqram təminatı "Windows" insayderləri tərəfindən test edildikdən sonra geniş ictimaiyyətin ixtiyarına veriləcək.

Bir müddət əvvəl "Microsoft" korporasiyası "Internet Explorer" brauzerinin dəstəyindən imtina edərək "Edge" brauzerinə keçəcəyini bəyan edib. Yeniliyin 15 aprel 2022-ci ildə tətbiqi planlaşdırılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.