Maraqlı

Xiaomi köhnə smartfonlarını sürətləndirə biləcək

4 May 2021 22:50
Baxış: 1 115
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Digital Chat Station ləqəbli məşhur çinli insayderin verdiyi məlumata əsasən Xiaomi şirkəti MIUI istifadəçi interfeysinin unikal yenilənməsi üzərində çalışır. Bir neçə il bundan öncə satışa çıxmış smartfonların istifadəçiləri həmin yenilənmədən istifadə edərək öz cihazlarının performanslarını artıra biləcəklər. Söhbət, virtual yaddaş texnologiyasından gedir. Bu texnologiyanın əsas ideyası böyük RAM göstəricisinə sahib olmayan (3-4 GB) cihazın daxili yaddaşının bir hissəsinin virtual yaddaş sistemində ehtiyatının yaradılması hesabına cihazın sürətləndirilməsindən ibarətdir.

Maraqlısı ondadır ki, Android əməliyyat sisteminin nüvəsi virtual yaddaşın genişləndirilməsinə imkan verir. Lakin bu cür funksiya standart olaraq aktiv deyil. Qeyd etmək lazımdır ki, virtual yaddaş texnologiyası daha öncə bir sıra smartfon istehsalçısı tərəfindən istifadə olunsa da, texniki standartlar statusunu əldə edə bilməmişdi. Xiaomi-nin bu cür funksiyanı MIUI-də nə zaman reallaşdıracağı barəsində məlumat verilməyib. Güman edilir ki, sözügedən funksiya ilk növbədə MIUI-nin test versiyasında istifadəyə veriləcək və daha sonra MIUI-nin stabil versiyasına inteqrasiya ediləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.