Maraqlı

Yeni “Apple M2” prosessorunun seriyalı istehsalına başlanılıb

4 May 2021 22:30
Baxış: 294

"Apple" şirkətinin "ARM" arxitekturası üzərində hazırlanan ikinci nəsil prosessorun seriyalı istehsalına başlanılıb. Bu barədə Yaponiyanın "Nikkei" biznes qəzetinin mənbələrə istinadən məlumatında deyilir.

Milli.Az ictnews.az-a istinadən bildirir ki, "M2" yarımkeçiricilər sahəsinin lideri və "Apple" korporasiyasının uzunmüddətli tərəfdaşı qismində çıxış edən "Taiwan Semiconductor Manufacturing Co." (TSMC) şirkətinin zavodlarında istehsal olunur. Yeni çip mərkəzi prosessor, qrafik prosessor və süni intellekt sürətləndiricisini birləşdirən birkristallı sistemdir.

Lakin "M1" prosessorundan fərqli olaraq yeni mikrosxemlər təkmilləşdirilmiş 5 nanometrlik texnologiyanın (N5P) tətbiqi ilə istehsal edilir ki, bu da daha böyük məhsuldarlıq və enerji səmərəliliyini təmin edəcək.

"M2" prosessorunun ilk partiyasının tədarüklərinə iyulda başlamaq nəzərdə tutulur. Nəşrin məlumatına görə, təkmilləşdirilmiş prosessorlarla əvvəlcə ikinci və ya üçüncü rübdə buraxılacaq 14 və 16 düymlük "MacBook Pro" noutbukları təchiz ediləcək. Bundan əlavə, bu il və ya növbəti ildə yeni çiplərlə təchiz edilən daha kompakt "Mac Pro" noutbuklarının buraxılışı gözlənilir.

"Apple Silicon" - şirkətin öz səyi ilə layihələndirilən "ARM" çipinə malik ilk kompüterlər (MacBook Air, MacBook Pro və Mac mini) ötən ilin noyabrında təqdim edilib. Uzun illərdir "Mac" noutbuklarına "x86" arxitekturalı "Intel" həlləri quraşdırılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.