Maraqlı

Yaponiyada pişik birgünlük polis rəisi olub - FOTO

16 Aprel 2021 19:55
Baxış: 598

Yaponiyanın Toyama prefekturasında pişik bir günlük yerli polis şöbəsinin rəisi vəzifəsinə təyin edilib.

Milli.Az AZƏRTAC-a istinadən bildirir ki, Koko adlı pişiyin bu vəzifəyə təyin olunması heç də elə-belə baş verməyib. Bir il əvvəl onun köməyi nəticəsində yaşlı kişi xilas edilib. Həmin kişi su axınına düşüb. Qocaya kömək etmək üçün Koko suyun kənarında oturaraq fasiləsiz şəkildə gözlərini ora dikib və bu, onun sahibəsinin diqqətini cəlb edib. Sahibənin yardıma çağırdığı insanlar qocanı xilas ediblər.

Bu şəxsi xilas etməyə kömək göstərdiyinə görə Koko hüquq-mühafizə orqanları tərəfindən fəxri fərmanla mükafatlandırılıb. Onun üçün xüsusi polis forması tikilib və balaca papaq düzəldilib.

Koko cəmi bir gün polis rəisi vəzifəsini icra edib.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.