Maraqlı

Fiat Google oraqlığı ilə yeni avtomobil istehsalına başlayıb

6 Aprel 2021 21:20
Baxış: 277

Sahələrindəki ən böyük adlardan biri olan Google və Fiat, yeni bir ortaqlıq qurublar. "Hey Google" Fiat 500 seriyası bu ortaqlıqdan gəlib. "Hey Google" Fiat 500 seriyası əsasən üç fərqli modeldən ibarətdir. Burada 500, 500X və 500L modellərini görə bilərik. Rəqəmsal köməkçi Google Assistant hazırlanmış vasitələrin əsasını təşkil edir.

Milli.Az techland.az-a istinadən bildirir ki, nəqliyyat vasitələrindəki "Hey Google" ifadəsi buradan qaynaqlanır. Google Assistant Hey Google əmri ilə işə düşür. Hər üç avtomobilin içərisində 7 düymlük ekran və bu ekrandan və ya səslə idarə oluna bilən Google Assistant var. Bu şəkildə, insanlar yalnız köməkçiyə söyləyərək nəqliyyat vasitələrinin bir çox xüsusiyyətlərini idarə edə bilərlər. Google Assistant ayrıca "Fiat"ın Mopar Connect xidməti ilə inteqrasiya olunmuş şəkildə işləyir. Bu şəkildə insanlar köməkçiyə söyləyərək vasitələrinə uzaqdan da daxil ola bilərlər. Bunun üçün Google Nest Hub, "Hey Google" Fiat 500 seriyasından satın alanlara hədiyyə edilir. Əlbətdə ki, Google köməkçisinə giriş telefon kimi digər cihazlardan da edilə bilər. Bu xüsusi Fiat avtomobillərinin yanacaq vəziyyəti və ya qapılarının kilidli olub olmadığı uzaqdan yoxlanıla bilər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.