Maraqlı

“Intel” yeni zavodlara 20 milyard dollar yatıracaq

4 Aprel 2021 22:15
Baxış: 527

"Intel" şirkəti ABŞ-ın Arizona ştatında iki böyük zavodun tikintisinə 20 milyard dollar investisiya qoyacaq. ABŞ şirkəti kəskin prosessor çatışmazlığı fonunda istehsalı genişləndirmək niyyətindədir.

Milli.Az ictnews.az-a istinadən bildirir ki, yeni müəssisələrin 2024-cü ildə istifadəyə verilməsi planlaşdırılır. Bundan başqa, "Intel" Avropada yeni zavodlar açaraq müqavilə əsasında fəaliyyət göstərən iri yarımkeçirici məhsullar istehsalçısı olmaq niyyətindədir. Bunun üçün korporasiya yeni "Intel Foundry Services" bölməsi yaradıb.

Hazırda "Intel" ABŞ-da yerləşən dörd istehsal kompleksinə malikdir. Arizonada gələcəkdə genişləndiriləcək kompleksə əlavə olaraq şirkətin Massaçusets, Nyu-Meksiko və Oreqonada zavodları fəaliyyət göstərir. Şirkət, həmçinin İrlandiya və İsraildə çiplərin istehsalı ilə məşğul olur və Çində zavoda malikdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.