Maraqlı

Qadın hicaba keçdikdən sonra əvvəlki şəkillərini baxmaq üçün naməhrəmə verə bilərmi?

4 Aprel 2021 21:20
Baxış: 922

Hicab qadına vacib olan bir hökmdür və qadın mütləq naməhrəmlərin yanında örtünməlidir. Bunu etməyən qadın günah qazanır. Qadının real vəziyyəti ilə təsviri, şəkli, videosu da eyni hökmü daşıyır. Yəni qadın real həyatda kimlərdən örtünürsə, öz hicabsız təsvirlərini də həmin adamlardan gizlətməlidir. Burada qadının hal-hazırda hicablı olması və ya hicaba keçməzdən əvvəlki vaxtı fərq etməz. Hicab örtmədiyi zamanlar qadının səhvi kimi dəyərləndirilir. Allah mərhəmətlidir, həmin səhvi bağışlaya bilər. Amma qadın öz səhvini başa düşdükdən sonra yenə də bunu təkrar etsə, günah sayılar. Yəni qadın yetkinlik yaşından etibarən hicab örtməli olduğunu bildiyi halda, hicabdan əvvəlki dövrünə aid olan şəkilləri və videoları naməhrəmlərə göstərməsi düzgün deyil. Amma bu halda çox araşdırmaq və özünü çətin vəziyyətə salmaq da bəyənilmir. Yəni vacib deyil ki, özünün hicabsız şəkillərini naməhrəmdən geri istəsin və ya bu şəkilləri geri almaq üçün həddən artıq canfəşanlıq göstərsin.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.