Maraqlı

Ölən əzizləri ilə “danışmaq” üçün telefon köşkü tikdilər - FOTO

6 Mart 2021 08:48

Baxış: 1 149

VTB-də minimal faiz dərəcəsi ilə nağd kredit 9.9%-dən

#DÜNYADA

2011-ci ildə baş verən dəhşətli zəlzələ və sunami qurbanlarının anıldığı bu günlərdə Yaponiya sakini insanların ölən doğmaları ilə "danışmaları" üçün telefon köşkü hazırlayıb.

Milli.Az oxu.az-a istinadən bildirir ki, köşkün yaradıcısı Osuçi şəhərinin sakini İtaru Sasakidir. Onun sözlərinə görə, bu telefonla insanlar ölən əzizlərinin mobil telefonlarına zəng edir, onlarla canlı insan kimi ünsiyyət qurur, vidalaşır, həyatlarındakı dəyişikliklər və başqa məsələlər barədə danışırlar.

"Bəzi insanlar var ki, onlar bir daha görüşməyəcəklərni bildikləri halda deyəcəkləri sözlər vardı", - deyə Sasaki bildirib.

"Külək telefonu" adını alan köşkə hazırda bütün Yaponiyadan minlərlə adam axışır. Onu təkcə sunamidən sağ qurtulanlar deyil, həmçinin başqa vəziyyətlərdə qohumlarını itirənlər istifadə edirlər.

Sasakinin sözlərinə görə telefonla hətta Böyük Britaniya və Polşadan maraqlanıblar. Orada da insanlar koronavirusa görə həyatını itirən əzizlərinə zəng etmək istəyənlər üçün belə bir köşk hazırlamaq istəyirlər.

Xatırladaq ki, 2011-ci ilin martın 11-də Yaponiyanın Honsyu adasının şərq sahilində zəlzələ baş verib. Təbii fəlakət 16 min insanın həyatına son qoydu.

Milli.Az