Maraqlı

Heyvanlarda nodulyar dermatit xəstəliyi ilə mübarizə necə aparılmalıdır?

7 Mart 2021 19:55
Baxış: 1 315
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Nodulyar dermatit iribuynuzlu heyvanların virus mənşəli xəstəliyidir. Mövsümi xarakter daşımaqla əsasən yaz-yay aylarında həşəratların çoxaldığı dövrdə aktivləşir. Xəstəliyin əsas mənbəyi xəstə heyvanlar və digər virus daşıyıcılarıdır. Bu virus içməli su, yem, süd, şpris vasitəsi ilə (birdəfəlik deyilsə) və ya birbaşa təmas yolu ilə yayıla bilir. İnfeksiya qansoran həşəratların dişləməsi ilə ötürülür. Xəstəlik yoluxma baş vermiş ərazilərdən heyvanların hərəkəti zamanı da yayıla bilir. Nodulyar dermatit zamanı heyvanın dərisində yaranan düyünlər, ağrılı olur və dərini yararsız hala salır. Bu xəstəliyin əlamətləri yüksək hərarət, iştahsızlıq, dəridə 1-5 sm ölçüdə yumuru düyünlər, əksər hallarda düyünlərin mərkəzində qaysağın əmələ gəlməsi, gözlərin sulanması, burun axıntısının çoxalması, çənəaltı və digər limfa düyünlərinin şişməsi, nadir hallarda boğaz heyvanlarda balasalma ilə müşahidə olunur.

Bu xəstəliklə mübarizə məqsədilə mütləq heyvanlar arasında dövri peyvəndlənmə aparılmalı, sistematik olaraq həşəratlar əleyhinə preparatlardan istifadə edilməli, təsərrüfatlarda baytarlıq-sanitariya tədbirləri gücləndirilməlidir. Peyvəndlənmə dövlət vəsaiti hesabına rayon baytarlıq idarələri tərəfindən aparılır. Qeyd edək ki, peyvəndlənmə ilə yaranan immunitet vaksindən asılı olaraq heyvanı 1 ildən artıq müddət ərzində xəstəlikdən qoruya bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.