Maraqlı

Mobil rabitə operatorları 2025-ci ilədək sahənin inkişafına təxminən 1,1 trilyon dollar sərmayə yatıracaqlar

25 Fevral 2021 21:50
Baxış: 414

Mobil rabitə operatorları 2025-ci ilədək sahənin inkişafına ümumilikdə təxminən 1,1 trilyon dollar məbləğində sərmayə yatıracaqlar. Bu barədə Şanxayda keçirilən Ümumdünya Mobil Konqresinin açılış mərasimində çıxış etmiş GSMA assosiasiyasının baş direktoru Mats Qranrid bildirib.

Milli.Az ictnews.az-a istinadən bildirir ki, Qranridin sözlərinə görə, 2021-ci ilin sonunadək planet əhalisinin təxminən beşdə biri "5G" şəbəkəsi ilə təmin ediləcək. O dəqiqləşdirib ki, hazırda "5G" şəbəkəsini dəstəkləyən təxminən 200 müxtəlif mobil qurğu modeli qlobal bazarda təqdim edilib.

Assosiasiyanın baş direktoru Çində beşinci nəsil rabitə infrastrukturunun çox sürətli inkişafını qeyd edib. Onun sözlərinə görə, Çində 2025-ci ilədək bütün mobil qoşulmaların təxminən 50%-i "5G" rabitə şəbəkəsinin köməyilə həyata keçiriləcək.

25 fevral tarixinədək davam edəcək konqresdə telekommunikasiya sənayesindən 200-dən çox eksponent iştirak edəcək.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.