Maraqlı

Şaxtalı havada dəriyə necə qulluq etməli?

25 Fevral 2021 20:40
Baxış: 366

Qadınlar il boyu dərilərinə hansı fəsildə və necə qulluq etmək barədə düşünürlər. Yəqin ki, onları ən çox düşündürən şaxtalı havada üzün dərisinə qulluq etmək üsullarıdır.
1. Mütəxəssislər şaxtalı havalarda üzün və əlin dərisini tərkibində spirt olan vasitələrlə silməyi məsləhət bilmirlər. Onlar müxtəlif losyonları qış aylarında süd və ya qliserin tərkibli üz təmizləyicilrlə əvəz etməyi məsləhət bilirlər.
2. Şaxtalı havalarda vanna və buxar qəbul eləmək də məsləhət görülmür. Çünki qaynaq su vannasılndan sonra qış aylarında dəri məsamləriniz daha da dərinləşəcək. Üzünüzü isti su ilə yuyub krem çəkə bilərsiniz, amma bunu edikdən sonra ən azı 2 saat evdən bayıra çıxmaq olmaz.
3. Qış aylarında orqanizmin vitaminə olan tələbatı artır. Bu təlabat özünü dərinin quruluğunda da hiss etdirir. Mütəxəssislər dərinin vitamin azlığından əziyyət çəkməsinin qarşısını almaq üçün bol meyvə-tərəvəz yeməyi məsləhət görür. Qoz, dəniz məhsulları və yağsız ət dəriyə gözəl təsir edir.
4. Qış aylarında insanların suya olan tələbatı azaldığına görə az su qəbul edilir. Bu da dəridə quruluğun artmasına səbəb olur. Həkimlər orqanizmin suya təlabatının az olduğu aylarda belə su içməyi məsləhət bilir. Çünki su içmək tər vəziləri daxil olmaqla əksər orqanların fəaliyyətini aktivləşdirərək orqanizmə müsbət təsir edir.
5. Kosmetoloqlar şaxtalı və küləkli havalarda evdən çıxarkən dəriyə yumuşaldıcı kremlərdən sürtməyi məsləhət bilirlər. Bu dərini küləyin zədələrindən qorunmasına yardım edir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.