Maraqlı

“Xiaomi” şirkəti bu il üçün planlarını açıqlayıb

23 Fevral 2021 23:15
Baxış: 858
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Xiaomi" şirkəti diqqəti "ağıllı" ev üçün qurğuların yaradılmasına yönəldəcək. Bu barədə şirkət rəhbəri Lu Veybinin sosial şəbəkələrdə yayılan məlumatında deyilir.

Milli.Az ictnews.az-a istinadən bildirir ki, Çin şirkətinin top-menecerinin sözlərinə görə, 2021-ci il "Əşyalar interneti" (Internet of Things, IoT) ili olacaq. Bununla əlaqədar "Xiaomi" xüsusilə Çin bazarında "ağıllı" ev üçün məhsulların buraxılışına üstünlük verəcək. Jurnalistlər qeyd edib ki, beləliklə, "Xiaomi" mövcud müxtəlif məişət cihazlarının çeşidini daha da genişləndirmək niyyətindədir.

Şirkət tərəfindən Yeni il bayramı və tətili günlərində qurğuların satışının təhlil edildiyini bildirən L.Veybin "Xiaomi" məhsullarına marağın artmasını vurğulayıb. O qeyd edib ki, şirkət nəzərdə tutulandan daha çox "ağıllı" ev əşyası buraxmağı və "Əşyalar interneti" seqmentinə əvvəllər smartfonlara olduğu kimi, daha çox diqqət yetirməyi planlaşdırır.

Bununla belə, "Xiaomi" təsisçisi hansı qurğuların buraxılışının planlaşdırılmasını konkretləşdirməyib, eləcə də smartfonlar seqmentinə diqqətin nə dərəcədə yetiriləcəyini dəqiqləşdirməyib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.