Maraqlı

Peyvənd olunmağına inanmadı, o da belə cavab verdi

19 Fevral 2021 17:54

Baxış: 1 017

Türkiyənin məşhur müğənnisi Nilüfərin koronavirusa qarşı peyvənd vurdurması müzakirələrə səbəb olub. Belə ki, sənətçi 65 yaş və yuxarı vətəndaşların vaksinasiyasında iştirak etmək üçün Səhiyyə Nazirliyinə müraciət edib.

Milli.Az qafqazinfo-ya istinadən xəbər verir ki, yaşı tələblərə uyğun olan ifaçıya peyvənd tətbiq olunub. O, həmin prosesin görüntülərini instaqram səhifəsində paylaşıb.

Bundan sonra izləyicilər onun vaksin vurdurmasına şübhə ilə yanaşıb, hətta bir istifadəçi "bu korona peyvəndi deyil. Vaksinlər sol qoldan vurulur, bu nədir?" yazaraq təbəssüm emojisi qoyub.

Müğənninin sözügedən rəyə cavabı gecikməyib: "Xanım, döş xərçəngindən əziyyət çəkmişəm. Prosedur sol qolun altındakı limfadan edildiyi üçün peyvənd orada tətbiq olunmadı. Güləcək bir şey yoxdur, elə deyilmi?!"

Daha sonra sosial şəbəkə istifadəçisi sənətçidən üzr istəyib.

Milli.Az