Maraqlı

Yeni “Samsung Galaxy Book Pro” noutbukları “OLED” ekranla təchiz olunacaq

18 Fevral 2021 21:20

Baxış: 572

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Cənubi Koreyanın "Samsung" şirkəti "Galaxy Book Pro" və "Galaxy Book Pro 360" adlı iki yeni noutbuk üzərində çalışır. "Android Authority" və "The Verge" portalları "SamMobile" blogerlərinə istinadən buraxılışı gözlənilən yeni qurğuların xüsusiyyətlərini bölüşüblər.

Milli.Az ictnews.az-a istinadən bildirir ki, hər iki kompüter sensor "OLED" matrisalarla təchiz ediləcək. "Galaxy Book Pro" 13,3 düym, "Galaxy Book Pro 360" isə 15,6 düym diaqonallı ekrana malik olacaq. Bundan başqa, noutbukların displeyləri "S Pen" rəqəmli qələm dəstəyi ilə təchiz ediləcək.

Noutbuklarda on birinci nəsil "Intel Core i5" və "Intel Core i7" prosessorlarından istifadə ediləcək. "SamMobile" insayderi bildirib ki, hər iki "Galaxy Book Pro" versiyası beşinci nəsil mobil rabitə şəbəkələrini dəstəkləyən konfiqurasiyaya malik olacaq.

Kompüterlərin qiyməti və satışa çıxarılma tarixi barədə məlumat verilmir.

Milli.Az