Maraqlı

“Windows 10” əməliyyat sistemində fayl sisteminin işini sıradan çıxaran boşluq aşkar edilib

19 Yanvar 2021 23:45

Baxış: 846

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"Windows 10" əməliyyat sisteminin fayl sistemini bir əmrlə sıradan çıxarmaq mümkündür. Əməliyyat sistemində aşkar edilmiş boşluq haqqında "Twitter"də informasiya təhlükəsizliyi üzrə tədqiqatçı Conas L deyib.

Milli.Az ictnews.az-a istinadən bildirir ki, problem NTFS fayl sistemi ilə bağlıdır. Əmr sətrində bir neçə simvoldan ibarət əmr daxil etmək kifayətdir, bundan sonra kompüter zədələnmiş faylların bərpa edilməsi üçün yenidən yüklənəcək.

Boşluqdan istifadə etmək üçün inzibatçılıq hüququ tələb olunmur. Cinayətkarlar əmri yarlık, arxiv və ya istənilən fayl altında maskalayaraq onu məsafədən işə sala bilərlər.

Bu problem 2020-ci ilin avqustunda aşkar edilməsinə baxmayaraq hələ də aradan qaldırılmayıb. Çox güman, "Microsoft" korporasiyası yaxın aylarda çıxarılacaq yeniləmələrdən birində bu boşluğu aradan qaldıracaq.

Milli.Az