Pandemiya dövründə virtual dərslərə yardım edən robot

Pandemiya dövründə bəzi məktəblərdə dərslər şagirdlərin bir hisəsinin məktəbə getdiyi halda, digərlərinin evdə qaldığı "hibrid model" əsasında keçirilir. Hibrid modelə əsaslanan belə dərslər zamanı şagirdlər və müəllimləri bir araya gətirə bilən robotlardan istifadə edilir.

2020-ci il yuxarı sinif şagirdi Sofiya Cansen üçün qəribə bir il oldu. "Çox qəribədir, xüsusən nəzərə alsaq ki, məktəbin son ilində bu, əyləncəli bir dövr kimi hiss olunmalıdır, lakin eyni zamanda da ən vacib bir semestr olmalıdır. Amma indi hər şey alt-üst olub" - deyə, o bildirir.

Cansenin oxuduğu məktəbdə pandemiya dövründə digərlər məktəblərdə olduğu kimi bəzi şagirdlər fiziki olaraq məktəbə gəlir, digərləri isə evdən hibrid sinif otaqlarından istifadə edir. Şagirdlər və müəllimlərin bir-birləri ilə əlaqəli olduqlarını hiss etmələrinə isə Svivl adlı robot kömək edir. Fairmont məktəbindən D J Klovis: "Təsəvvür edin ki, sinifinizdə mikrofon və video-kamerası olan bir şagird var. Svivl bunu edir."

Svivl istənilən mobil qurğu ilə birləşirdirilə bilən bazaya malikdir. Bu bazada olan sensor müəllimin üzərində gəzdirdiyi mikrofona yerləşdirilmiş markeri izləyə bilir. Svivl-in təsisçisi Vlad Tetelbaum: "Svivl robotu sinifdə müəllimi izləyir və video-kameranın müxtəlif səmtlərə yönəlməsinə yardım edir."

D J Klovis: "Bu, sinifdə dərs deyərkən müəllimlərimizin hərəkətinə, lazım olan istiqamətə getmələrinə yardım edir."

Müəllim Svivl ilə video-konfrans keçirmək üçün tətbiqlərdən istifadə edə bilər. "Bu, yalnız kompyuter vasitəsilə dərs keçməkdən daha yaxşıdır" - təbiət müəllimi Sara Makquayar deyir. Məktəb müəllimi Sara Makquir: "Şagirdlər sinifdə olan uşaqları görə bilir"

Censen texnologiyanı bilən müəllimlərin Svivllə problemi olmadığını deyir. Lakin bəzi müəllimlər bundan istifadədə çətinlik çəkə bilər. "Svivl bəzən onları izləmir, bəzən dayanır və fırlanmağa başlayır, bu zaman onun arxasında getmək lazımdır. Ancaq işləyəndə bu, həqiqətən çox gözəldir, çünki o zaman ekrana baxdığımı deyil, özümü sinifdə olduğum kimi hiss edirəm."

Məktəblər normal rejimə qayıtsa belə, müəllimlər deyirlər ki, Svivl hələ də xəstə olan və məktəbə gedə bilməyən şagirdlərə özlərini sinifdəki kimi hiss etmələrinə kömək edə bilər.

Milli.Az