Maraqlı

Teleqramın aktiv istifadəçi auditoriyası 500 milyonu keçdi

13 Yanvar 2021 10:59
Baxış: 588
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yanvar ayının ilk həftəsində Teleqramın auditoriyası aylıq 500 milyon aktiv istifadəçini keçib.

Milli.Az qafqazinfo-ya istinadən xəbər verir ki, bu barədə sosial şəbəkənin qurucusu Pavel Durov öz Telegram kanalında açıqlama verib. Onun sözlərinə görə, son üç gün ərzində mesajlaşma xidmətinə 25 milyon insan qoşulub. Onların 38% -i Asiyadan, 27% -i Avropadan, 21% -i Latın Amerikası və 8% -i isə Yaxın Şərq və Şimali Afrikadandır.

Durov istifadəçi sayındakı artımın keçən ilə nisbətən əhəmiyyətli dərəcədə sürətləndiyini qeyd edib: "İnsanlar artıq şəxsi məlumatlarını pulsuz xidmətlər əvəzində dəyişdirmək istəmirlər. Teleqram gizlilik və təhlükəsizliyə önəm verən rabitə platforması axtaranlar üçün ən böyük sığınacağa çevrilib".

Analitik şirkət "Sensor Tower"a görə, Teleqram 2021-ci il yanvarın 6-dan 10-dək 9 milyon dəfə yüklənib. Bu, bir həftə əvvələ nisbətən 91 % çoxdur. İstifadəçilərin artmasının Votsapın məxfilik siyasətindəki dəyişikliklə əlaqədar olduğu güman edilir.

Xatırladaq ki, fevral ayından etibarən, Aİ və İngiltərə sakinləri xaricində Votsap quraşdıran hər kəs üçün yeni məxfilik qaydaları qüvvəyə minəcək. Yeni qaydaya görə, istifadəçi məlumatları, xüsusən telefon nömrələri, əməliyyatlar və IP ünvanları Feysbuka ötürüləcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.