Maraqlı

Uinston Çörçillin "Mərakeşdə bir səhnə" rəsm əsəri 500 min funt sterliq dəyərində satışa çıxarılıb

11 Yanvar 2021 21:26
Baxış: 1 064
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniyanın keçmiş Baş naziri Uinston Çörçillin yaratdığı "Mərakeşdə bir səhnə" (Scene at Marrakech) rəsm əsəri "Christie's" hərrac evində 500 min funt sterliq dəyərində satışa çıxarılıb.

Milli.Az AZƏRTAC-a istinadən bildirir ki, bu barədə "Daily Mail" qəzeti məlumat yayıb.

Məlumatda qeyd olunub ki, müəllifin İngilis feldmarşalı Bernard Montqomeriyə (1887-1976) bağışladığı tablo (1935) ilk dəfə olaraq hərraca çıxarılır. Qeyd olunub ki, belə bir hədiyyə sabiq Baş nazirin yüksək rütbəli zabitə olan dostluq və dərin hörmətindən xəbər verir. Tanınmış bir siyasi xadim və bacarıqlı bir rəssamın bu sənət əsəri onun 1930-cu illərdə çəkdiyi ən yaxşı rəsmlər sırasında yer alır.

Uinston Çörçill 1935-ci ildə ilk dəfə Mərakeşi ziyarət edərkən bu Afrika ölkəsinin mənzərələrindən heyrətə gəlib. Sonradan o, hərbi əməliyyat xatirələrini yaddaşında yeniləmək və rəssamlığa yer ayırmaq üçün burada bir neçə dəfə olub. Vaxtilə onun "Mərakeşin Tinxenir şəhərinin görünüşü" adlı tablosu "Sotheby's" hərrac evində 612.8 min funt sterliqə satılıb.

Qeyd edək ki, Uinston Çörçill rəssamlığa 40 yaşdan sonra maraq göstərməyə başlayıb və həyatı boyu 500-dən çox rəsm əsəri yaratmağa müəssər olub. Əl işlərinin çox hissəsi şəxsi kolleksiyalara və siyasətçinin qohumlarında məxsusdur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.