Maraqlı

Uxandakı nadir COVID-19 muzeyi - FOTO

8 Yanvar 2021 23:55

Baxış: 1 058

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #ÇİN

Çinin Hubey vilayətinin paytaxtı Uxanda COVID-19 pandemiyası ilə mübarizəyə həsr olunan xüsusi muzey fəaliyyət göstərir.

Muzeydə Çinin, xüsusən də virusun ölkədə ilk ortaya çıxdığı və ən çox yayıldığı Uxan şəhərinin COVID-19 böhranı ilə mübarizəsinin necə təşkil olunmasını və bu mübarizədə qazandığı uğurları əks etdirən müxtəlif eksponatlar, o cümlədən 1100 fotoşəkil, 1000-dən çox əşya, 45 video, 18 interaktiv bölmə, habelə virtual reallıq texnologiyasına əsaslanan eksponatlar nümayiş olunur. Bu eksponatlar arasında tibb işçilərinin geyimləri, müalicə dərmanları və avadanlığı, COVID-19 pasiyentlərinin şəxsi əşyaları, onların tibb işçilərinə yazdığı təşəkkür məktubları, 76 günlük xüsusi karantin rejimi günlərində evdə qalmağa məcbur olan sakinlərin gündəlik həyatını təsvir edən əşya, şəkillər, interaktiv vasitələr var.

Ümumilikdə 21 bölmədən ibarət olan sərgidə xəstələrin yerləşdirilməsi üçün bir neçə gün ərzində inşa olunmuş mobil xəstəxanaların, idman arenalarında, sərgi mərkəzlərində yaradılan müvəqqəti təcrid yerlərinin maketi, təcili tibbi yardım avtomobilləri, sərt karantin günlərində sakinlərə və səhiyyə qurumlarına kömək etmiş könüllülərin fəaliyyətinə aid eksponatlar da nümayiş olunur.

Milli.Az AZƏRTAC-a istinadən Uxandakı həmin nadir muzeydəki ekspozisiyanı əks etdirən fotoları təqdim edir.

Milli.Az