Maraqlı

Avropanın ən gözəl yeni il yolkası

6 Dekabr 2020 07:32
Baxış: 786
VTB-də minimal faiz dərəcəsi ilə nağd kredit 10.49%-dən

"High-tech" üslubunda hazırlanmış və Litvanın paytaxtı Vilnüsün mərkəzində quraşdırılmış qeyri-adi yeni il yolkası 2020-ci ildə Avropada ən gözəl yolka elan edilib.

Milli.Az AZƏRTAC-a istinadən bildirir ki, reytinqi tərtib edən "European Best Destinations" turizm təşkilatı ekspertlərinin fikrincə, 24 metr hündürlüyündə olan yolka karantin şəraitində bayram keçirmək üçün çox uyğundur. LED-lampaların quraşdırıldığı metal bloklardan, güzgülərdən və yaxınlıqdakı meşələrdən toplanmış təbii küknar budaqlarından hazırlanan yolkanın üzərində xırda bəzəklər olmadığı üçün ona təmasdan yayınaraq məsafədən tamaşa etmək olduqca əlverişlidir.

Reytinqdə ikinci yerdə Yeni il bayramının qeyri-formal paytaxtı titulunun sahibi - Strasburq şəhərində quraşdırılan yolka, üçüncü yerdə isə Praqa şəhərinin yeni il yolkası qərarlaşıb.

Ümumilikdə isə siyahıya Avropa şəhərlərini bəzəyən 19 yeni il yolkası daxil olub. Tərtibatçıların fikrincə, burada əsas məqsəd simvolun insanlara bayram əhval-ruhiyyəsi bəxş etməsi və hətta çətin epidemioloji şəraitdə belə ruh düşkünlüyünü aradan qaldırmasıdır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.