Maraqlı

“Mozilla Firefox” brauzerində “HTTPS-Only Mode” rejimi istifadəyə verilib

21 Noyabr 2020 21:45
Baxış: 259

"Mozilla" şirkəti tezliklə 83-cü versiyayadək yenilənəcək "Firefox" internet brauzerinin təhlükəsizlik səviyyəsini təkmilləşdirib.

Milli.Az ictnews.az-a istinadən bildirir ki, "Firefox 83" brauzeri "Firefox 82" ilə müqayisədə operativ yaddaş tutumunu 8 faiz az sərf etməyə və səhifələri 15 faiz tez yükləməyə başlayıb. "Mozilla" buna "JavaScript" proqramlaşdırma dili dəstəyini optimallaşdırmaqla brauzerə bir neçə yenilik əlavə edərək nail olub.

Bundan başqa, "Mozilla Firefox 83" brauzerinin yeni versiyası "HTTPS-Only Mode" adlı təhlükəsizlik funksiyası ilə təchiz ediləcək. Bu rejimdə təhlükəli saytlar açılmayacaq.

Funksiyanı "Firefox Options" səhifəsinin "Privacy & Security" bölməsində aktivləşdirmək mümkündür. Brauzer "HTTPS-Only Mode" rejimində istifadəçi "HTTP" linkinə keçmək istəyəndə də istənilən saytın "HTTPS" versiyasını tapmağa çalışacaq. Bu mümkün olmadıqda, proqram təhlükə barədə xəbərdarlıq edəcək.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.