Maraqlı

Yaponiya kosmik zibilin təmizlənməsi üçün orbitə peyk göndərəcək

19 Noyabr 2020 21:20

Baxış: 824

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Yaponiyanın "Astroscale Holdings Inc." startapı 2021-ci ilin martında kosmik zibilin təmizlənməsi üçün orbitə xüsusi peyk göndərəcək. Bu haqda Yaponiyanın "Kyodo" informasiya agentliyi məlumat verib.

Milli.Az ictnews.az-a istinadən bildirir ki, məlumata görə, peyk Qazaxıstanın Baykonur kosmodromundan Rusiyanın "Soyuz" raketi ilə orbitə çıxarılacaq. Peykin uzunluğu və hündürlüyü 6 metr, eni 11 metr, çəkisi isə 175 kq-dır.

Peyk ilk sınaq missiyası zamanı xüsusi maqnit panellərin köməyi ilə kosmik zibilləri özünə tərəf çəkəcək, bundan sonra Yer kürəsinin atmosferinə geri qayıdacaq və toplanmış obyektlərlə birlikdə yanacaq.

Kosmik zibil, həmçinin işləməyən peyklər və atılmış raket bölmələri işləyən peyklər və Beynəlxalq Kosmik Stansiya üçün təhlükə hesab edilir. Yaponiya Kosmik Agentliyinin məlumatına görə, artıq ölçüsü 10 sm-dən böyük təxminən 20 min belə obyekt aşkar edilib.

Milli.Az