Maraqlı

Artıq çəkili şəxslər xəstəliyi daha ağır keçirir

31 Oktyabr 2020 23:20
Baxış: 1 298
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Artıq çəkili şəxslərin, piylənmədən əziyyət çəkənlərin koronavirusla bağlı risk qrupuna daxil olduqları dəfələrlə bəyan olunub. Ümumdünya Səhiyyə Təşkilatı bununla bağlı daha bir məlumat yayıb. ÜST-ün Avropa bürosunun açıqladığı məlumatda bildirilir ki, piylənmə, artıq çəki koronavirusun ağırlaşması, ölüm hallarının baş verməsinin əsas səbəblərindən biridir.

Qeyd olunub ki, aparılan araşdırmalar artıq çəkili şəxslərin xəstəliyi ağır keçirdiklərini göstərir. Məhz bu şəxslər daha çox reanimasiyaya düşür, süni tənəffüs aparatına qoşulurlar.

ÜST-ün məlumatına görə, dünyada 2 milyarddan çox insan artıq çəkilidir. Bu isə oturaq həyat tərzi, aşağı fiziki aktivlik, çox duz, şəkər qəbulu, yağlı qidalardan çox istifadə ilə əlaqləndirilir.

ÜST dünyanın yoluxucu xəstəliklərə yoluxma zamanı ağır nəticələrə səbəb ola biləcək piylənmə pandemiyası ilə qarşılaşacağından narahatlığını bəyan edib. Qeyd olunub ki, piylənmə həmçinin ürək-damar xəstəlikləri, xərçəng və şəkərli diabetin inkişafı riskini artırır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.