Maraqlı

Yeni nəsil polis itləri elektron qurğuların aşkarlanmasına kömək edəcəklər

29 Sentyabr 2020 08:35
Baxış: 677

ABŞ-ın hüquq-mühafizə orqanları xidməti itləri narkotik və silahla yanaşı, elektron qurğuları aşkarlamağı öyrətməyə başlayıblar.
 
Milli.Az ictnews.az-a istinadən bildirir ki, "Star Tribune" nəşrinin məlumatına görə, Minnesot ştatının polisi "Sota" ləqəbli labrador cinsli xidməti iti iyə görə cinayət işləri istintaqında vacib sübutlar ola biləcək smartfon, "USB" toplayıcı və "microSD" yaddaş kartları kimi kiçik elektron qurğuları aşkarlamağı öyrədib.
 
İkiyaşlı "Sota" ştat sakinlərinə bu həftə Minnesota İctimai Təhlükəsizlik Departamenti (Department of Public Safety, DPS) tərəfindən təqdim olunub. İtə mikroelektronikanın örtüyündə istifadə edilən trifenilfosfin oksidi (TPPO) adlı kimyəvi maddənin iyini müəyyənləşdirmək öyrədilib.
 
Hazırda "Sota" Minnesotada elektron qurğuları aşkarlaya bilən yeganə itdir. ABŞ ərazisində fəaliyyət göstərən bütün polis idarələrində ümumilikdə təxminən 30 oxşar it xidmət edir.
 

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.