Maraqlı

“Android TV 11” əməliyyat sistemi təqdim edilib

26 Sentyabr 2020 08:05
Baxış: 653
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Google" şirkəti "Android TV" əməliyyat sisteminin idarəetməsi ilə işləyən televizorlar üçün "Android 11" əməliyyat sistemini təqdim edib.

Milli.Az ictnews.az-a istinadən bildirir ki, yeniliklərin əsas hissəsi multimedia imkanlarına aiddir. Belə ki, yeni "Android TV" versiyası ilə işləyən qurğular "ALLM" funksiyasını (avtomatik aşağı yubanma rejimi), eləcə də multimedia kontentinin aşağı yubanma ilə dekodlaşdırılmasını dəstəkləyəcək.

Bundan əlavə, televizorlarda "Stadia" "bulud" oyun servisi funksiyaları yenilənib. Oyun kontrollerlərinin dəstəyi genişləndirilərək onların siyahısına "Nintendo Switch Pro" (USB və Bluetooth vasitəsilə qoşulma) və "Steam" (yalnız USB ilə qoşulma) aksesuarı əlavə olunub.

"Android TV 11" sisteminə tərtibatçılara proqramları qurğularda tez sınaqdan keçirməyə imkan verən yeni rejim, eləcə də əməliyyat sisteminin smartfonlar üçün versiyasında yer alan bir sıra əsas "Android 11" funksiyaları (yaddaşın daha yaxşı idarə olunması və genişləndirilmiş məxfilik funksiyaları) quraşdırılıb.

"Android TV" televizor istehsalçıları tərəfindən "Android 11" sistemli yeni qurğuların yaxın aylarda təqdim ediləcəyi gözlənilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.