Maraqlı

“LG” konsorsium hazırlayıb

17 Sentyabr 2020 08:25
Baxış: 289

Cənubi Koreyanın "LG Group" konqlomeratı beynəlxalq partnyorların iştirakı ilə tədqiqat konsorsiumunun yaradılmasını elan edib. Konsorsium süni intellekt texnologiyaları və robot texnikasının köməyi ilə daha təkmil xüsusiyyətlərə malik innovativ materiallar hazırlayacaq.

Milli.Az ictnews.az-a istinadən bildirir ki, "LG" tərəfindən formalaşdırılmış "A3MD" ("Alliance for AI Accelerated Materials Discovery" - süni intellektin köməyi ilə materialların ixtirası üzrə konsorsium) konsorsiumuna "LG Science Park" elmi araşdırmalar və hazırlamalar mərkəzi, Fransanın "Total" enerji nəhəngi, Kanadanın Makmaster adına Universiteti və Toronto Universiteti, həmçinin Kanada Milli Tədqiqat Şurası daxil edilib.

"LG" şirkətinin rəsmisi bildirib ki, "A3MD" - bu, dünyada süni intellekt həllərinin köməyilə qabaqcıl materialların hazırlanması üçün təsis edilmiş ilk akademik ittifaqdır. İttifaq ekoloji cəhətdən təmiz katalizatorlar və müasir optik materialların ixtirası ilə məşğul olacaq.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.