Maraqlı

Koronavirus simptomlarını aşkar edib telefonunuza ötürə biləcək ağıllı maska hazırlanıb

15 Sentyabr 2020 23:55

Baxış: 1 102

#TEXNOLOGİYA

Sinqapurlu alimlər koronavirusla mübarizədə çox əhəmiyyətli olacağı düşünülən "ağıllı maska" yaradıblar. Hazırlanmış maska nəbz, bədən temperaturu, qan təzyiqi və oksigen səviyyəsini ölçə bilən sensorlara sahibdir. Maska sensorlar sayəsində insanın sağlamlıq vəziyyətini aşkar edir və bu məlumatları hər 30 dəqiqədən bir mobil telefona göndərir.

Milli.Az techland.az-a istinadən bildirir ki, inkişaf etmiş ağıllı maskanın ən vacib xüsusiyyətlərindən biri də onun sensorlarının digər maskalarda da istifadə oluna bilməsidir. Beləliklə, eyni maskanı hər zaman istifadə etmək əvəzinə, sensorları dezinfeksiya edə və istifadə edəcəyiniz yeni maska üzərinə taxa bilərsiniz. Bu da sizin hər zaman təmiz və ağıllı maskaya sahib olmağınızı təmin edir.

Elm adamları yaxın günlərdə daha tez-tez rast gələ biləcəyimiz bu ağıllı maskaların hazırda 36 dollara satıldığını və kütləvi istehsal başlayanda bu qiymətin 15 dollara düşə biləcəyini bildiriblər.

Bu maskaların nə vaxt kütləvi istehsala girəcəyi və bütün dünya üçün əlçatan olacağı hazırda məlum deyil.

Milli.Az