Maraqlı

Həmişə dəstəmazlı olmağın bərəkətləri

12 Sentyabr 2020 20:20
Baxış: 480

Həmişə dəstəmazlı olmaq - elə bir İlahi tövfiqdir ki, ardınca çoxlu xeyirlər gətirər. Bu xeyirlər ilə tanış olaq:

1. Bütün bədənin pak olar. Həzrət Peyğəmbər (s) buyurur: "Hər kim dəstəmaz alan zaman Allahın zikrini deyərsə, bütün bədəni pak olar".

2. Günahları yuyular. Həzrət Peyğəmbər (s) buyurur: "O zaman ki, namazqılan dəstəmaz alar, ardınca təsirləri və bərəkətləri olar. O zaman ki, üzünü yuyar - günahın təsirləri üzündən gedər. O zaman ki, əllərini yuyar - əli vasitəsilə etdiyi günahlar aradan gedər. O zaman ki, başına məsh çəkər - başı vasitəsilə yerinə yetirdiyi günahlar məhv olar. O zaman ki, ayaqlarına məsh çəkər - ayaqları vasitəsilə etdiyi günahlar aradan gedər".

3. Duası yerinə yetər. İmam Sadiq (ə) buyurur: "Mən təəccüb edirəm o kəsə ki, hacət və iş ardınca olar, dəstəmazlı olduğu halda hacəti yerinə yetməz".

4. Ruzini artırar. İmam Sadiq (ə) buyurur: "O kəs ki, evinin bərəkət və xeyirini artırmaq istəyir - yemək yeyən zaman dəstəmaz alsın".

5. Diqqəti çoxalar. Mütaliə etməzdən əvvəl dəstəmaz almaq, insanın diqqətini artırar.

6. Ömrü uzanar. Həzrət Peyğəmbər (s) buyurur: "Çalış təharətli və dəstəmazlı olasan ki, Allah ömrünü uzatsın".

7. Yatağı məscid olar. Həzrət Peyğəmbər (s) buyurur: "O kəs ki, dəstəmazlı yatarsa yatağı onun üçün məscid olar".

8. Dəstəmazlı halda ölən - şəhid sayılır. Həzrət Peyğəmbər (s) buyurur: "Əgər gecə və gündüz dəstəmazlı olmağı bacarırsansa, bu işi gör. Çünki əgər dəstəmazlı halda ölərsənsə, şəhid olacaqsan".

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.