Maraqlı

Uşaq üçün mükəmməl velosipedi necə seçmək olar: BƏLƏDÇİ

11 Avqust 2020 23:01
Baxış: 1 322

Düzgün velosiped seçməyə kömək edəcək parametrlər.

Düzgün velosiped seçmək niyə bu qədər vacibdir? İş ondadır ki, əgər velosiped uşağınız üçün çox balacadırsa, sürərkən beli və dizləri zədələnə bilər. Çünki vücud uzun müddət qeyri-təbii vəziyyətdə olur buna görə də, travma ehtimalı ola bilər.

Velosiped çox böyükdürsə, uşağın onu idarə etməsi daha çətin olacaq, bu da düşmə ehtimalını artırır. Mənfi nəticələrin qarşısını almaq üçün məsələyə son dərəcə ciddi yanaşmaq lazımdır.

Milli.Az ted.az-a istinadən uşağınız üçün velosiped seçərkən hansı parametrlərə diqqət etməli olduğunuzu söyləyəcəyik.

Bu gün alış-veriş tədricən onlayn sistemə keçir. Onlayn mağazalardan velosiped ala bilərsiniz. Ancaq belə bir alış zamanı fotoşəkildən velosipedin ölçüsünü təsəvvür etmək demək olar ki, mümkün deyil. Velosipedlər tez-tez təkər diametrinə görə təsnif edilsə də, bu parametr mükəmməl velosiped tapmaq üçün əsas kimi götürülməməlidir.

Müəyyən bir yaş kateqoriyası üçün nəzərdə tutulsa da, 14 düymlük təkərləri olan velosipedlərin hamısının ölçüləri digər detallarda və ən əsası oturacaq hündürlüyündə eyni deyil.

Velosiped seçərkən çox vaxt uşağın boyuna diqqət yetirilir. Ancaq növbə ilə 120 sm boyu olan iki uşağı velosipedə otuzdursaq, onlardan birinin narahat olduğu ortaya çıxa bilər. Səbəbi sadədir: uşağın boyundan əlavə, ayaqlarının uzunluğunu da nəzərə almaq lazımdır. Bu parametr, velosiped sürərkən uşağınızın ayaqları ilə yerə çata biləcəyini müəyyənləşdirməyə kömək edəcəkdir. Bu, mükəmməl ikitəkərli "dost" axtarışına başlamaq üçün ilk başlanğıcdır.

Ayaq uzunluğunu ölçürük

Bu proses mükəmməl şalvar tapmaq üçün özümüzü ölçdüyümüzdən bir qədər fərqlidir. Beləliklə, burada nə etmək lazımdır:

1. Uşağınızdan idman ayaqqabılarını geyinməyi xahiş edin. Axı, ayaqyalın sürməyəcək.

2. Uşaq ayaqları çiyin genişliyində açaraq divarın qarşısında dayansın.

3. Uşağın ayaqları arasında bir kitabı (istənilən ölçüdə) elə qoyun ki, kitabın ucu uşağın arxasındakı divara bərkidilsin. Kitabı yumşaq bir şəkildə yuxarı sürüşdürün.

4. Döşəmədən kitaba qədər məsafəni ölçün. Kömək üçün başqasını çağırmaq daha yaxşıdır. Biri kitabı tuta bilər, digəri isə ölçü götürə bilər.
Daha sonra bəyəndiyiniz velosiped olan səhifəyə keçin və uşağın boyuna uyğun modelin həndəsi xüsusiyyətləri haqqında məlumat tapa bilərsiniz.

"Yerdən çərçivənin yuxarı borusuna qədər olan məsafə" parametrinə diqqət yetirin - bir qayda olaraq, o, "Standover Height" adlanır. Parametrin ölçülərdən bir neçə santimetr az olduğundan əmin olun.

Satışda olan velosipedlərin əksəriyyətində oturacaq tənzimlənməsi var. Buna görə də, nəzərdən keçirdiyiniz modelin xüsusiyyətlərində onun hündürlük aralığı göstərilməlidir. Bu, çox tez böyüyən uşaqlar üçün xüsusilə əlverişlidir. Beləliklə, onlara bir mövsümdən çox istifadə edəcəyi uyğun bir velosiped verəcəksiniz.

Əgər uşağınızın ayaq uzunluğu oturacağın ən yüksək boyu ilə eynidirsə başqa bir variant nəzərdən keçirməyə dəyər. Gələn il bu velosiped mütləq kiçik olacaq.

Əksinə, uşağınız minimum oturacaq hündürlüyü olan bir velosipedə uyğundursa (və bundan əlavə, uşağınız sürməkdə çətinliyi varsa), bu model onun üçün çox böyük və çətin ola bilər.

İndi təkərlərin ölçüsü barədə düşünmək lazımdır

Mütəxəssislərin fikrincə, çarxın diametri ən vacib parametr deyil, buna baxmayaraq, diqqət yetirməyə dəyər. Uşağınızın daxili ayaq uzunluğundan asılı olaraq iki fərqli təkər ölçüsünə baxa bilərsiniz. Bu vəziyyətdə, Two Wheeling Tots-un ümumi qəbul etdiyi cədvələ əməl edin:

İki fərqli təkər ölçüsü arasında seçim edirsinizsə, Two Wheeling Tots daha böyük təkər ölçülərini tövsiyə edir. Bu yolla velosiped illərlə sizə xidmət edəcək və uşağınız bundan maksimum yararlanacaq.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.