Maraqlı

Uber şirkəti Londonda çay taksi servisini işə alıb

6 Avqust 2020 22:45
Baxış: 947
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

ABŞ-ın taksi və çatdırılmış şirkəti olan Uber, Thames Clippers adlı çay tramvayı servisi ilə birlikdə Londonda çay taksi servisini işə salıb. Beləliklə Londonun 23 qayıq stansiyasında 20 ədəd qayıq istifadəyə verilib. Bu barədə The Telegraph saytı xəbər verib. Sözügedən servis Uber tətbiqində aktivdir. Qayıqlar üçün nəzərdə tutulmuş biletlər öncədən bron olunmalı və ödənilməlidir.

Sərnişinlərin qayıqlara minməsi xüsusi QR kod vasitəsilə reallaşdırılır. Uber şirkətinin Şimali və Şərqi Avropa üzrə regional meneceri bildirib ki, şirkət ümumi elektromobil istifadəsi imkanını genişləndirməklə yanaşı böhrandan sonra şəhərin infrastrukturunu təkmilləşdirmək üçün çay şəbəkəsindən istifadə qərarını verib.

Thames Clippers şirkəti qeyd edib ki. daha öncədən artıq 4.3 milyondan çox insan işə və evə getmək üçün Temza çayından istifadə edib. Şirkət bildirib ki, Uber-in yeni servisinin işə salınması çay nəqliyyatının inkişafına təkan verəcək. Qeyd etmək lazımdır ki, bu, Uber şirkətinin ənənəvi nəqliyyat vasitəsindən kənara çıxmaq üzrə yeganə cəhdi deyil. Belə ki, 2017-ci ildə şirkət Uber Air servisini (uçan taksilər şəbəkəsi) anons etmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.