Maraqlı

‘Hucurat’ surəsini oxumağın fəziləti

26 May 2020 22:50
Baxış: 956

"Hücurat" surəsi 18 ayədən ibarətdir və Mədinədə nazil olmuşdur. Bu surənin ayələrinin sayının az olmasına baxmayaraq, İslam Peyğəmbəri (s) və İslam camiəsi ilə bağlı olduqca mühüm məsələlər bəyan edir. Surədə bir çox mühüm əxlaqi məsələlərə toxunulduğu üçün, onu "əxlaq və ədəblər" surəsi də adlandırmaq olar.
 
1. Peyğəmbəri-Əkrəm (s) buyurmuşdur:
 
مَنْ قَرَأَ سُورَة الْحُجُرَاتِ أُعْطِیَ مِنَ الْأَجْرِ عَشْرَ حَسَنَاتٍ بِعَدَدِ کُلِّ مَنْ أَطَاعَ اللَّهَ وَ رَسُولَهُ وَ مَنْ عَصَاهُ
 
Milli.Az maide.az-a istinadən bildirir ki, ""Hucurat" surəsini tilavət edən kəsə Allah və Onun Peyğəmbərinə itaət edən, eləcə də, Allaha üsyan edən kəslərin sayı müqabilində on yaxşılığın savabı əta edilər." ("Təfsiri-Əhli-beyt (ə)", 14-cü cild, səh.504.)
 
2. İmam Sadiq (ə) buyurmuşdur:
 
مَنْ قَرَأَ سُورَة الْحُجُرَاتِ فِی کُلِ لیلة أَوْ فِی کُلِّ یَوْمٍ کَانَ مِنْ زُوَّارِ مُحَمَّد (صلی الله علیه و آله)
 
""Hucurat" surəsini hər gecə və hər gün tilavət edən kəs Həzrət Muhəmmədin (s) zəvvarlarından olar." ("Vəsailuş-şiə", 6-cı cild, səh.256; "Təfsiri-nümunə", 22-ci cild, səh.131.)
 
Məlum olduğu kimi, bu qədər savab surədə göstərilən əməllər üzərində düşünüb onları diqqətlə yerinə yetirən, Allaha müti olanların yolu ilə gedib özünü Allaha asi olanların cərgəsindən ayıran şəxslərə aiddir.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.